Merekah

Merekah
Ada sepotong hati
Merekah
Berusaha menyabung peristiwa demi peristiwa menjadi mimpi
Membangun puing-puing yang bisa saja runtuh oleh semut hitam
Karena baginya...
Kemarin adalah harapan
hari ini ada tangga
dan esok adalh langit-langit malam
pesta langit dapat mengubahnya
menyeruat hamba-hamba yang dingin
sepotong hati itu
merekah
sungguh ia benar baginya
sungguh ia benar bukan baginya
terbangun, tidur lalu mati

Rindu

Rindu

akan menjadi sebulan bukan sedetik

akan menjadi setahun bukan semenit

akan menjadi seabad bukan sejam

ketika saya bukan lagi raja

dan aku telah lelah merajaimu

ketika kamu bukan lagi kamu yang dengan tegas menari lunglai dalam ingatanku

sudah saatnya

tapi bukan sekarang

belum saatnya

tapi bukan nanti

ketika kita bukan lagi yang nomor 1,2,3 atau tidak bernomor lagi di panggung juara

mereka akan tertawa lepas

tapi di atas tawa mereka kita menjerit pilu,

karena rindu ini sangat memalukan

 

gelisah

Gelisah

Pernah aku bertanya tentang matahari yang memalukan

Kemudian ibu dengan jelas menyayangiku

Pernah aku bertanya tentang bulan

Lalu ayah menceritakan dengan kata-kata yang kalut

Pernah aku bertanya tentang Tuhan

Lalu keduanya menepuk mulutku

Kemudian aku diam

Bukan diam seribu bahasa

Lalu pada suatu hari aku terjatuh

Jatuh yang sangat dalam

Karena aku tak mampu melihat, pekat

Mereka hanya miris tak jelas

“SURA’ PAPPIKANGTUNGKU RI ANAKKU”

“SURA’ PAPPIKANGTUNGKU RI ANAKKU”

Assalamualaikumwbr,

Sallang doang pappakalabbirikku,

Sikontu pammujiku kupadallekangnangi ri hadere kalabbiranna Allahu Taala, Ia lebba ampadongkoki pi jappuna ri batanna kalengku kuniaanggaukang passuroang kualliliang pappisangkanna.

Shalawa siagang sallang kupabatturi hadera katinggianna siagang kalabbiranna Nabi Muhammad.SAW. ri bija pammanakanna siagang ri sikamma bela-belana.

E………..anakku, suraka anne battu ri anrong tumallassukannu iaba’laloa nakalimbu simpung na lepa-lepa dinging-dinging. Lebba’mi kutinro-tinroang, kuempo-empoang nakupikkiri,nakucobamo angngallea karattasa siagang pulupeng.Manna mamo siri’ mangngalikku ri kau sikalabini battulalantonji mappakarawang rawang ribatanna kalengku. Sikalikuukirisura bone kambungku rikau, pissampuloi kusa’ring natajjari napassabakki pakkasia battulalang anggalugu kodia abbengkoro’ salasa. takusa’ringamia ammatti je’ne matangku anjempangi paccinikku, ammattimi je’ne matangku, pa’risi sanna’mi nyawaku.

E……….anakku rappo atingku………jaimi pattaungang nu laloi, akkale tau rungkamako annekamma. Nu assemmi nu pasisa’la kodia siagaang bajika, cara’ddemako nu pore.Lanrinnami anjo nu siratammo ambacai annesura’ lebbaka kuukiri . Mannamako sallang nanu loko nupoca’,nu sinrek nanu pela’. Sangkamma todong nu lokona, nupoca’na siagaang nanusinre’na nyawaku nalanri pa’risi ri kau.

E………anakku 25 taung lebba laloa, naanjo pattaunganga taung karannuangku kukasu’mang ilalang tallasakku. Se’rewattu (rewasa) battumi sanrowa (dokter) angngerang kabara appakarannu-rannu dudu ri passalakutianangngannu. Risiammung parangku baine tantua baji’ mapahanna battuanna anne kanaya. Rannusannami nyawana se’rea baine antarimai anne kareba kammaya rinagappanamo anne pakkasia’ kammaya. Tinroku, mangnganreku tamannyamangmo kukasia, rimajjapaku, a’maikku sukkarak ngasengmo kukasia’, kuerangmako timboro uwara anrai kalau salapang bulang sallonu ilalang battang,….manna nakammamamo anjo ana’ taena sikali kali nale’ba attimbo sassa’lalang ri nyawaku passanngalinna iaji mannompo cinna pangngai pangngamaseangku ri kau anak. Iami anneba’lalo kupatimbo anrurungangi jappanu, appakaramulanu ilalang akkalengkeng ribattangku sanggennu nai’ akkalerungka.

E……….anakku kugappai kukasia’ anak ri mattu’du-tuddu’nu ilalang battang, rimaggiling-gilingnu ribattangku. Sannami rannuna pakkasiakku kukana ri nyawaku attantumi leburanna anne anakku ilalang battang. Rannua’ a’bengkoro simpung nasaba pila’ mae allo pila’ lompoi battangku.Simpung sanna’mi nyawaku a’bengkoro rannu, naerang dinging-dinging.

E……..anakku.pa’risi’ sannami kusa’ring pakkasiakku,taenamo tahang tahangganna, liwa’ sannami’ pa’risina . e…anakku irawami bangkengku soali rikalibbong kuburuka,a’bu’ne-bu’nemi songokku a’ritisi’mi je’ne matangku pa’risi tenamo anjorenganna. . Rikulangngere’namo sa’ra karru’nu sileo sa’rakarrukku ,lari seng je’ne matangku napakamma rannu sukkuru ri kalabbiranna AllahuTaala . Assengi ana angkanaya rioloangngangko kukayao nakubau pilisi’nu alangkanaya angngayaowa je’ne inung poro lakuta’go naungri kallongku poro ambasai karro’-karrokku.                                                                                                           E……..anakku.katambangi seng umuru’nu kuparakai kukatuwa kasi-asi kupajjari tittimatangku pangngaingku rikalennu .Je’ne susungku nutaggo ana’.Nu pare inungang bangngi allo, lanri ikau ana nataku gappamo tinroku,takujampangimo posowa napakamma rannu lanri ikau ana’. Minasangku ri allo ri ribangngi umbarang akkullei ana’ salama’ko anjo akkulle ji kucini muri-murinu. Rannu takkele-kele kusa’ring pakkasiakku punna kulangngere sa’rannu .Rannuku kusa’ring ana!’.Allo sisambe allo’ bulang sisambe bulang siagang taung sisambe taung . issengi ana ,silamako anjo tenallebba gesarakkukasu’mang pakkatuaku rikalennu ,ajjari suro ripakkatua tallasa’nu rikalennu . Tenallebbaniakkukasu’mang kunraring rikalengku ajjari papparakai ri kau ana’, kuba’laloa’nganro ri Batara malompoa Oo   Karaengku Batara labbuangi umuru’na anakku ,tambaiangi dalle’na anakku nanu lomo-lomoiang sikontu urusanna

Kutangarakko allo-allo pila’mae wa’tu ajjari akkalerungka lompo kalengnu kassa pakkaleangnu bulu sumi’ na cambannu pila’ natambai kaga’gannu. Anjo ri wattua asseilema’ timboro wara assailema’ anrai kalau kupannilekangmako baine iya lajjaria sallang parekang anronna ana’nu, la ajjari parekang bainennu sallang poro a’lepa-lepa ansombalang tallasa’nu. Pilaa’reppese wa’tu passimoronggannu iyareka pa’buntingannu pila’ arreppesekki passibokoianta, anjo rewasaya kamamami tuni kere-kere atingku takusa’ringmo ammatti je’ne matangku anggimbolong pa’risi ta’kele-kele nyawaku rannua’bengkoro simpung karru assisambe kakkala’. Rannua nalanri kupanggappannu baine sileporang, siagaang simpung nalanri rante-rante sumangakku rappo atengku titti matangku nasisa’la kaanne kamma, kammamama’ kusa’ring ana’ karabba’ ni beso’ cappa’na pakkasiakku nalanri le’banamo passimorongannu sallang susamako kapang naku gappa, susa mako kapang laku cini muri-murinu. Anne kamma kammamako batu tallang rilukua kamma mamako leko-leko marurusuka, taenamo la kuassengi tappanu napassabakki nalanri nia’ma nu kaluppai taenamo nanuu’rangi hakku rikau.

Takuassengmo lakurekeng allo-allo kujappai ero’ anciniki tappanu mua-muangnu bialona sa’rannu.Nanromo nakamma labbulalo wattua kukasu’mang ammetengma ri timungang ana’! poro anggantalai kabattuannu, ri maccekku’na pakke’bu kurapangi ikau battu gassingmi pole assa’ra taliponga kukana barang ikau attalipong ana’ gassingmi pole  nia’ sa’ra motoro kukanabawang ikaumi battu ta’rimba’-rimba’mi nyawaku ku ana barang ikau nateai lebbaja ikau. Attayang ri takunjunnu battua’minasa ri tasunggua reppe kaca takkulle nipakkalepu. Iamami tassesa kusa’ring ana’ simpung pa’risi nyawaku rammu buku-bukungku tamakkullema’ appalikang kukasia’ rera sannami atingku kukarrukimi sarengku, dallekku tossing takaddere’ battu ri Alla ta ala upa’ma anne anjariang tau.  e anakku anronnu anne tena sikali-kalija nattayang pabbalasa’ majai battu ri kau, teai tonji anrong ma’singara’ rijari taunna, teaiana’!? teaiana’! apakupala pajjari mami anronnu bela-bela tallasa’nu, pajjarimama’  suro-suro riballa’nu sollanna akkulle tuli kucini tanja’nu, sollaanna anronnu anne ana’ tulinia’ nau’rangi riwattunta silenarrang kukatua susah simpung riwattu caddi-caddinu kupalaki rikau ana’! tea’ laloko attannanggi pasu pasitungkang siagang inakke anronnu, tea’laloko asseile maraeng ri wattu ero’nu kujalling mata, iaji kupala’ rikau ana’ pajjari ballakku salase’re balla pammanaikanggang manna nasiwattu punna takkullea ruwang wattu. Ta’minasaya ia lanupare’ tampa’ loro tanukunjungi, mingka punna tenapamangeanna battutommako ia manna nu jempanja ka’murunnu allalosilalonnaya. Eeanakku kubokoimi anne langika annenremmi limangku, batang kalengku jai tommi umuru’ kukaddo, repa’ma nataba garring…. Ammentengma’ tamakkulle ammempo siratang nipaempo, manna nakammamamoanjo panggaingku rikau kamma lebbaji riyolo…kammalebbaji tamparang ta esa’, kammalebba’ji anging tenallebba’ tamammiri’. Kakadde’ji nia’sitau-tau ampakalabbirikko attantumi nu balasa’na siagang kabajikang.Mingka anronnu ana’ anronnu!kerejimae pabbalasa’nu ampe-ampe ma baji’nu ri anrongtumallassukannu taenaka nanukasu’mangi ana’ je’ne susu pakkatuwoku, anggapa napallakkamma ana’ je’ne susu pakkatuwaku nubalasa’ racung. Taenaka nanukasu’mangi kananna Allah ta ala “risikontu kabajikang panggaukang lanabalasaki Allah ta ala siagang panggaukang baji”(Arrahman) ee.... anakku terasa’ batumika nyawanu?, bella memang tommako rinakke kamma sisambena pattaungang allalowa?

Ee anakku ....punna kulanggere kabaraknu lewami tallasa’nu te’ne pa’maiknu pila’ tamakamakayami rannuku. Antemo kamma ana’ ka ikaumi antu rappongna atingku karesona limangku, ikaumi antu wassele kareso ka posowangku. Ikaumi antu passawallang karesoku dosa apami kutaeng iya lebba kugaukang na ba’lalo nupare’musua ri kalengnu. Lebbaka’ka takkaliang ilalang se’re wattu salama kuleporannu immang kana kule’ba sala giok ilalangku ajjari suronu? Punna paleng takammaya sukkarakika ri kau ampajjaria’ suro-suronu iya sannaka tunana battu ri sikamma atanna. Lebba ngasengmi nagappa gaji karesona!?kerea nakke nupasiratang la’jjari gajiku ee anakku! Akkuleaka nusare sikedde’ akkanyame empoang kasannanggang poro amballei susa simpung pammaikku ri tau towanu sannaka tuna kamasena anne? Padahal alla ta ala ba’lalo nangai tau aggau bajika. Ee anakku kammami kusa’ring tuni kere’-kereka atingku assolong je’ne matangku ancuru bone lalangku padahal ikau sannang nyawanu salewangan tallasa’nu. Kabarra-barrako ka langgerannu ri appaka sulapa ampau-pau ka poreannu, muri-murinu, bajik nyawanu, tinggi panggadakkannu ba’lalo nu sudikkai parannu tau. Ee anakku taenaka nalebba nu itung ri nyawanu angkanaya nia tau towa sannamo towana dodongmi nyawana, taenaka na pacce nyawanu anciniki serea tau towa appalikang susah akkalimbu simpung susa pa’risi nyawana!, teyai na lanri apa-apannu? Mingka amatu-matumi pakkatuaku ka nupasolongmi je’ne matangku, upakku anjariang tawu!? Napassabakki na lanri nubalasakku siagang pa’risi nyawa kamma mamako kusa’ring tau nu toddoka’ lading balati pa’risi’na nyawaku ana’. A’matu-matumi pakkatuaku ri kau ka nutappu’mi pasisambungang singai sikajjallainta.

Ee  anakku amma’numi anne timunganna suruga rikau, attetemako ana’ ri tetena kasalamakkanga olomi olowang siagang muri-muri te’nenu siagang pammopporo’na siagang pabbalasa’na kabajikannu. Kamma ri nakanna haddese’na nabbiya: ‘al walidu min aosati abwabil jannah fain syi’ta dzalikal bab awihfadzuuha’. Antu tau towaya timungannai suruga ri tanggayya ka kaddeji nu ero teako bawang-bawangganggi timunganga anjo, jagai!(H.R Ahmad) ee…. Anakku  baji’ kupahanna kuissengi sipa’nu segang ampe-ampenu. Riwattunnu akkale rungka pole  sannami batenu anggondang pahala mabaji’ bokong-bokong ri suruga. Biasako accarita ri passala sambayang barajama katinggianna pahalana barrisi dallekang  dudua. Biasako a’nia ero assare-sare nassidakka mingka ee anakku! Nia haddese nu kaluppai ana’! se’re kabajikang malompo nukaluppai dudu ri kalennu!  Iamiantu ri nakanna nabbita Muhammad SAW battu ri ibnu mas’ud RA nakanangi:

kukuta’nangi Rasulullah SAW, ee Rasulullah amala apa kaminang malabbiri? Nakanamo nabbita assambayangko ri anatamana wattua, kukuta’nangi pole apa pole ya rasulullah? Nakana pole nabbita bajiki amape-ampenu mange ri ruaya tau towanu, nakukana pole apa poeng yaa rasullah? Nakana pole nabbita bundu ri agangannna alla taala. Naa nampa sannang pippiri nabbita .kaddeji kapang kukuta’tang ka ma’nassa napuwoli pakkutannangku(Muttafaqun ilaehi).

Ee anakku ! anne kalengku, pahalanu, tea’mako jojai susa ampamaradekai atannu immangka nu apposo-poso assidakka lebbakkako allaanggereki caritannaya se’rea mangge ambokoi ana jari taunna na lampa sibella-bella ri bori pa’rasanganna abboya taka’ bulaeng? Narapi’mi tallu pulo taung lampanna ri bori pa’rasanganna tawwa nanromo nakamma nia’mi ammotere ri bori pa’rasanna siagang taena apa-apa naerang battunamo ri balla’na , anne pung mangge taenamo nanaciniki balla barung-barunna mingka apa na cini, se’re usaha lompo  pabere bulaeng. Bella tojengmi lampaku abboya bulaeng ri bori’na tawwa na nampa anrini lebbaja ri gantiroku taka’ bulaeng. Kammami anjo panggebaranna rikanayya kabajikang.  Jo ja bella tojemmako abboya pahala appatambung amala’ mingka taena nu kayu’mayai angkanaya  ri tompo matannu duduji  pahala malompoa. Ri sa’ri empoannu nia tau akkulle ajjari pa’rinring saba’ tanggappanu pahala immangka nana tetteri amala’nu. Tenaka nanu kasu’mangi angkanaya anjo rellaku rellana Allah taala, siagang anjo larro birisikku larro birisi’na tongi Alla taala?

Eee  anakku!Anjo kasimpungangku rikau,kukamallakang sannaka si’raka ikau na taba haddese’na nabbita SAW, angkanayya :

Rugi lompomi se’reaanga tau, Rugi lompomi se’reaanga tau, Rugi lompomi se’reaanga tau! Akkuta’nammi se’rea  sahaba’ inai ya rasulullah?, nakanamo nabbita tau ambuntulakai ruaya tau towana  anrong manggena ri wattunna towa na taena na pantamaki ri suruga,.(HR.Muslim)

 Anakku…taena naku angkaki  simpung pa’risikku pa’risina nyawaku na ri langika siagaang taena todong nakujjamma ri Alla ta ala ri passala kapa’risanna nyawaku, kakaddeji kapang susa simpung pa’risikku anne na nai ri rammang keboka nai ri timunganna langika ma’nassa lanataba lompomako cilaka siagaang susa taena anjorenganna, natena pa’balle siagang sanro maka lakkulle amballei. Tea’ ana’!tea’…tea’ ana’! antekamma laku gaukang na ikaumi antu rappo atengku titti matangku rante-rante sumangakku. Antekammami amma’nu la teasa’ limanna appatingarang limanna addoangang nai ri langika’ na ikaumi antu rante-rante sumangakku. Antekamma  la ero’ palla nyawana amma’nu ancinikko cilaka nataba pangganro ta baji na nampa ikaumi antu ku pare kalimbu’ rannu-rannu tallasakku. Ambangungmako na! natimboimako uyu kebo ri ulunnu. La nakaddo’mako toa, siagang “al jazaaau mi jinzil amal”, lanu kattili’mi apa iya lebbaka nu lamung-lamung. Tea’ ancinikko ammuko ammembara la anggukiri sura kammaya anne mange ri ana’ jari tawunnu langgukiriki siagang dawa’ je’ne matannu sangkamma ku ukiri’na anne surakku rassia je’ne mata mange rikau. Ee anakku tappa laloko ri Alla ta ala ri amma’nu ri manggenu taggalakki bangkenna! Sitojeng-tojenna suruga niaki ripala bangkenna, lu’luki je’ne matanna kerei pa’risi nyawana, patantangi buku dongko’na nanupa’rimpung sumanga’na

Anakku! Ri lebba’namo nu baca surakko anne battu ri kau mami! Erokko anggu’rangi untu ammotere immangka nanu kekke anne surakku. Wassalam

Battu ri anrong tumallasukannu.